Mauro Icardi foli për arsyet pse u largua nga Barcelona, hat-trikun ndaj Milanit dhe kënaqësinë e madhe që i japin golin ndaj Juventusit.
“Është e vërtetë, duhej të kërkoja në Google për Sampdorian, nuk kisha dëgjuar kurrë për ata. Disa bashkëlojtar bënin shaka se po shkoja të luaja me Antonio Cassanon dhe Giampaolo Pazzinin”, ka thënë Icardi për Inter TV.
“Ishte një zgjidhje për t’u larguar, kjo për shkak të stilit të lojës, se edhe Barcelona nuk dëshironte të më përshtatej mua”.
“Më pëlqen t’i shënoj gola Juventusit, se ata janë rivalët e Interit. Ndaj tyre është një ndeshje klasike e futbollit italian, i kam shënuar edhe kur isha me Sampdorian”.
“Hat-triku im në derbin ndaj Milanit ishte i papërshkruhem. Të shënoja tre gola dhe të fitonim 3-2 në minutën e fundit ishte i jashtëzakonshëm. Por, ende ndjej keqardhje se humba penalltinë në derbin 2-2 të sezonit të kaluar. Dashuria që ndjen nga tifozët pas fitoreve të tilla është gjëja më e mirë”.
“Mundohem të shikojë edhe ndeshje tjera të futbollit, por me pesë fëmijë rrethit në shtëpi nuk është e lehtë. Valentios më të vërtetë i pëlqen të shikojë ndeshjet dhe është fans i madh i Interit”.
Icardi foli edhe për ftesën nga Italia, por që i refuzoi me dëshirën për të luajtur për Argjentinën.
“Gjithmonë do të falënderoj Italinë për atë se çfarë ka bërë ky vend për mua, por e ndjej Argjentinën dhe kurrë nuk kam menduar të veshi fanellën e Italisë. Të luash për Argjentinës është mahnitëse dhe të rikthehesha për kualifikimet e Kupës së Botës është ëndërr”.
“Paulo Dybala është një shok i mirë, por lojtar i ndryshëm nga ai që jam unë. Është e vështirë të gjesh dikë me karakteristikat e tij që shënon shumë gola”, ka thënë Icardi. /Telegrafi/
https://www.youtube.com/watch?v=ivW6fJESRv0