Ish-lojtari i Leicester Cityt, Vincente Iborra e vlerëson lartë ish-bashkëlojtarin e tij, Harry Maguire, për të cilin thotë se transferimi i tij te Manchester City mund të jetë sikurse i Virgil van Dijk te Liverpooli.
City është në treg për një qendërmbrojtës të ri, pasi legjenda belge Vincent Kompany tashmë është larguar në drejtim të Anderlechtit.
Një transferim i madh parash në kampionët e Ligës Premier vazhdon të jetë i diskutueshëm për mbrojtësin e Kombëtares së Anglisë, Maguirre.
Me cilësitë e tij të liderit, Pep Guardiola është i etur për të sjellë një prani tjetër komanduese në zemrën e mbrojtjes së tij prej katër lojtarëve.
Maguire, 26-vjeçar, do të ishte një opsion afatgjatë për të mbushur këtë zbrazëti në stadiumin Etihad.
Iborra beson se ish-bashkëlojtari i tij mund të jetë zgjedhja perfekte dhe mund të bëjë një ndikim të ngjashëm tek City, sikurse ylli Van Dijk, i cili u transferuar për 75 milionë funte te Liverpooli.
“Ai është një lojtar i madh. Është shumë i fuqishëm, me ekuilibër të mirë, i shkëlqyer për të larguar topin dhe mund të shënojë gola”, ka thënë fillimisht Iborra për Radio Marca.
“Ai kishte një Kupë të madhe Botërore dhe është një super futbollist”.
“Transferimi i tij në Manchester City mund të jetë si ai i Van Dijk te Liverpooli”, përfundoi spanjolli. /Telegrafi/