Legjenda angleze, Ian Wright ka identifikuar tre fusha ku Manchester Unitedi mund të forcohet pas mbylljes së sezonit dhe hapjes së afatit kalimtar të verës.
Deri më tani, Erik ten Hag ka rekrutuar gjithsej nëntë lojtarë që nga ardhja e tij. Christian Eriksen, Lisandro Martinez, Casemiro, Antony, Tyrell Malacia dhe Martin Dubravka u sollën verën e kaluar për të përmirësuar gjërat në fushë.
Dhe në janar, klubi nga Old Trafford siguroi tre nënshkrime huazimi; Wout Weghorst, Marcel Sabitzer dhe Jack Butland.
Për Unitedin, ka pasur periudha premtuese gjatë gjithë sezonit, me fitore të dukshme kundër Barcelonës, Manchester Cityt dhe së fundmi Newcastle United në finalen e Carabao Cup.
Por, ka ende vend për përmirësim, dhe ish-sulmuesi i Arsenalit dhe Anglisë, Ian Wright mendon se Unitedi duhet të mbështesë menaxherin Ten Hag me nënshkrime të mëtejshme në afatin kalimtar të verës.
“Ten Hag duhet të marrë gjithçka që i nevojitet për të bërë punën e tij mirë dhe për të luajtur futbollin që dëshiron të luajë”, ka thënë fillimisht 59-vjeçari anglez.
“Për atë që ka bërë në Manchester United këtë sezon, ai e meriton këtë”.
“Unë ende nuk mendoj se krahu i djathtë i ekipit po funksionon tani. Ju keni Sancho dhe Antony të cilët janë të aftë të bëjnë gjëra të pabesueshme”.
“Mezi pres që Erik ten Hag të marrë mbrojtësin e djathtë që dëshiron dhe numrin 9 që dëshiron. Në një fazë duhet të bëhet diçka për portierin De Gea”.
“Dua t’i shoh të gjitha ato gjëra përpara se të gjykoj shumë Erik ten Hag”, përfundoi Wright. /Telegrafi/