Jahmir Hyka e ka nisur siç është më së miri aventurën e tij në MLS.
Futbollisti i Kombëtares së Shqipërisë, ka marrë edhe fitoren e dytë në po aq takime me skuadrën e tij San Jose.
San Jose triumfoi në një ndeshje të çmendur 3-2 ndaj Vancoverit falë një rikthimi fantastik.
Hyka në këtë takim ishte ndër më të mirët, ndërsa asistoi tek goli i tretë i skuadrës së tij që e shënuan 11 minuta para fundit të ndeshjes.
Pas kësaj fitore, San Jose ndodhet në pozitën e dytë me gjashtë pikë sa ka edhe Houstoni në pozitën e parë.
Ndërkohë Colorado Rapids e Shkëlzen Gashit ka pësuar humbje si mysafirë i New York Red Bull me rezultat minimal 1-0. /Telegrafi/
