Parlamenti hungarez ka ratifikuar kërkesën e Suedisë për t’ju bashkuar NATO-s, duke u bërë kështu shteti i fundit që është anëtar i NATO-s që e ka bërë një gjë të tillë.
Siç raporton Sky News, kryeministri suedez Ulf Kristersson, tha se është një “ditë historike”, transmeton Telegrafi.
Parlamentet e të gjitha vendeve anëtare të NATO tashmë kanë votuar në favor të Suedisë që t’i bashkohet NATO-s.
“Suedia qëndron e gatshme dhe do t’i merr përgjegjësitë në NATO”, shtoi Kristersson.
Në anën tjetër, Sekretari i Përgjithshëm i NATO-s, Jens Stoltenberg, ka mirëpritur votimin nga ana e Parlamentit hungarez, duke theksuar se anëtarësimi i Suedisë, do ta “t’i bëjë të gjithë më të fuqishëm dhe të sigurtë”.
Suedia kishte shmangur anëtarësimin në aleancën më të madhe ushtarake për më shumë së 200 vite, por ishte pushtimi rus në Ukrainë që ndryshoi këtë qëndrim të suedezëve.
Pothuajse brenda një nate vendosën t’i bashkohen idesë së fqinjit, Finlandës që t’i bashkohen NATO-s, por ishte Turqia dhe Hungaria që ishin skeptike – pavarësisht se të gjitha vendet e tjera anëtare të NATO-s ishin për pranimin e këtyre dy vendeve nordike. /Telegrafi/