Ka vazhduar spektakli në ligën më të fortë të basketbollit në botë NBA.
Në natën e mbrëmshme janë bërë disa befasi ku skuadrat favorite kanë pësuar humbje.
Kampioni në fuqi i NBA, Golden State Warriors është mposhtur nga Memphis Grizzlies me 10 pikë diferencë 101:111.
Marc Gasol ishte fantastik për vendasit me 34 pikë, 14 kërcime dhe dy asistime, ndërsa ai u ndihmua edhe nga James Ennis me 13 pikë.
Tek kampioni në fuqi, Stephen Curry realizoi 37 pikë e Kevin Durant 29 pikë e 13 kërcime por të pamjaftueshme për fitore.
Humbje ka pësuar edhe finalisti i vitit të kaluar, Celeveland Cavaliers në përballje me Orlando Magic 114:93.
LeBron James shënoi 22 pikë por që ishin të pamjaftueshme për të marrë triumf, ndërsa tek Magic, Nikola Vucevic ishte më efikasi me 23 pikë shtatë kërcime e pesë asistime.
Oklahoma City Thunder e super përforcuar është mposhtur nga Utah Jazz me nëntë pikë diferencë 87:96.
Ndërkohë fitore kanë shënuar Houston Rockets që mposhti Dallas Mavericks 107:91 dhe San Antonio Spurs që triumfoi përballë Chicago Bulls 77:87. /Telegrafi/
Rezultatet:
Toronto Raptors – 76ers 128:94
Chicago Bulls – San Antonio Spurs 77:87
Cleveland Cavaliers – Orlando Magic 93:114
Rockets – Dallas 107:91
Grizzlies – Warriors 111:101
Heat – Pacers 112:108
Knicks – Pistons 107:111
Bucks – Blazers 113:110
Nuggets – Kings 96:79
Jazz – Thunder 96:87
Clippers – Suns 130:88
