Deficiti dhe shlyerja e borxhit të jashtëm dhe të brendshëm në vlerë prej 11.8 miliardë denarë, ose gjithsej 54.5 miliardë denarë, do të financohet me huamarrje në tregun ndërkombëtar dhe të brendshëm, njoftoi ministri i Financave Fatmir Besimi, duke prezantuar buxhetin plotësues për 2022.
Nisur nga situata aktuale ekonomike dhe e politikës së jashtme, ky vit do të jetë më i fokusuar në financimin nga tregjet ndërkombëtare. Kjo vendosmëri, theksoi ai, do të mundësojë që më shumë para nga sektori bankar vendor të përdoren në ekonominë e Maqedonisë, e po ashtu, përmes burimeve të jashtme të financimit do të rritet edhe rezerva devizore e shtetit.
“Në kuadër të huamarrjes së brendshme, e cila është projektuar në 21,6 miliardë denarë, është anashkaluar huamarrja në tregun e brendshëm të letrave me vlerë apo kredive. “Huaja jashtë vendit në vlerë prej 59,3 miliardë denarë do të realizohet me tërheqje të mjeteve nga kreditë e favorshme nga institucionet e huaja financiare për financimin e projekteve të caktuara, si dhe huamarrje për financimin e deficitit buxhetor”, tha Besimi, duke shtuar se për financimin e deficitit buxhetor siguron fonde nga FMN, si dhe fonde nga tregu ndërkombëtar i kapitalit përmes emetimit të letrave me vlerë të borxhit.
Ministri i Financave theksoi se në kushtet e krizës energjetike, pandemisë shëndetësore dhe luftës në Ukrainë, kushtet në tregjet ndërkombëtare të kapitalit janë të ndryshueshme dhe të vështira për t’u parashikuar.
Prandaj, tha ai, për të siguruar financim të qetë të nevojave buxhetore, si dhe për të reduktuar rreziqet e rifinancimit, këtë vit buxheti përfshin një tampon parash, i cili nuk do të shpenzohet në vitin aktual, përkatësisht do të sigurojë mjete për parafinancim. vitin e ardhshëm në vlerë prej 38.1 miliardë denarë./Telegrafi/