Policia e Kosovës ka njoftuar se një person në veri të vendit është plagosur me armë zjarri, gjatë ditës së hënë.
Lidhur me këtë PK-ja ka suspenduar katër zyrtarë policorë.
Ambasadori i SHBA-së në Kosovë, Hovenier ka shprehur shqetësimet e SHBA-së gjërsa ka thënë se duhen zhvilluar hetime të plota.
“SHBA-të janë të shqetësuara për një incident në të cilin një serb i Kosovës u qëllua mbrëmë në Zveçan/Zveqan. Zyrtarët dhe institucionet e Policisë së Kosovës duhet të kryejnë një hetim të plotë dhe të besueshëm. Ne jemi thellësisht të shqetësuar nga mohimi fillestar i bërë pa kujdesin e duhur”.
“Të gjithë qytetarët duhet të kenë besim në transparencën e zbatimit të ligjit dhe sektorit të drejtësisë. Mbështetja e SHBA-së për institucionet e Kosovës për sundimin e ligjit, çon përpara një vizion të përbashkët të një shteti demokratik dhe multietnik. Ata që janë përgjegjës për veprime kriminale duhet të mbajnë përgjegjësi”, ka shkruar Hovenier në Twitter.
Ndërkaq, sipas Policisë, suspendimi ka ndodhur pasi një zyrtar policor dyshohet se është përfshirë në gjuajtje me armë zjarri në incidentin që ka ndodhur në orët e vona të së hënës në veri të Kosovës./Telegrafi/
All citizens must have confidence in the transparency of law enforcement and the justice sector. U.S. support for Kosovo’s rule of law institutions advances a shared vision of a democratic, multiethnic state. Those responsible for criminal actions must be held accountable. 2/2
— Ambassador Jeff Hovenier (@USAmbKosovo) April 11, 2023
The U.S. is concerned about an incident in which a Kosovan Serb was shot in Zvecan/Zveqan last night. Kosovo Police officials and institutions must conduct a thorough, credible investigation. We are deeply concerned by the initial denial made without due diligence. 1/2
— Ambassador Jeff Hovenier (@USAmbKosovo) April 11, 2023