Grupi Houthi ka sulmuar një anije britanike të naftës Marlin Luanda në Gjirin e Adenit.
Houthit kanë marrë përgjegjësinë e sulmit duke thënë se e kishin sulmuar anijen detare me raketa, transmeton Telegrafi.
Si rrjedhojë, anija e ngarkuar me naftë ka marrë flakë.
?British oil tanker in the Gulf of Aden on fire following an attack#Gulf #British #attack #oiltaink #breaking pic.twitter.com/HpNmKQZESw
— EUROPE CENTRAL (@europecentrral) January 26, 2024
Gjatë ditës, firma britanike e sigurisë detare Ambrey tha se një anije tregtare që udhëtonte nëpër zonë ishte goditur me një “raketë”.
Sulmi kishte bërë që anija të përfshihet nga flakët, megjithatë anëtarët e ekuipazhit nuk kishin pësuar lëndime.
Houthit ripërsëritën qëndrimin se sulmi ndaj anijes ishte si rezultat ndaj situatës në Rripin e Gazës.
SHBA-ja dhe Britania e Madhe kanë kryer sulme ndaj objektivave Houthi në Jemen në përgjigje të sulmeve të përsëritura ndaj anijeve ndërkombëtare. /Telegrafi/