Ish-zëvendëskryeministri tashmë kandidat për kryeministër nga LDK, Avdullah Hoti ka reaguar pas grumbullimit të djeshëm të disa qytetarëve në sheshin e Prishtinës.
Hoti përmes një postimi në Facebook, ka shkruar se javën e kaluar policia kishte intervenuar ndaj bujqve në Rahovec, kurse nuk reagoi dje në Prishtinë ku u mblidhen qindra veta në shesh.
“Ministri i Shëndetësisë, që menaxhon urgjencën e shëndetit publik, nuk e tha asnjë fjalë. Kurse Kryeministri ne ikje ishte sigurisht i zënë me dërgimin e letrave nëpër botë”, ka shkruar Hoti.
Postimi i plotë :
Vikendin e kaluar policia kishte intervenuar ndaj bujqve ne Rahovec qe ishin mbledhur për te siguruar te ardhura për familjet e tyre. Nuk kam reaguar për të mos e politizuar çështjen.
Ndërkaq, dje ne Prishtine u mblodhën qindra veta ne shesh dhe asnjë reagim nuk kishte nga policia.
Ministri i Shëndetësisë, qe menaxhon urgjencën e shëndetit publik, nuk e tha asnjë fjalë. Kurse Kryeministri në ikje ishte sigurisht i zënë me dërgimin e letrave nëpër botë.
Apo ndoshta paradat politike për te intimiduar demokracinë nuk i nënshtrohen ligjit?! /Telegrafi/
