Para objektit të Ministrisë së Kulturës, Rinisë dhe Sporteve në Prishtinë janë hapur homazhet për të nderuar jetën dhe veprën e ikonës muzikore shqiptare, Ismet Peja.
Doajeni i muzikës shqipe ndërroi jetë në orët e hershme të të hënës (23 nëntor) në moshën 83 vjeçare.
Në hyrje të objektit të MKRS është shpalosur edhe një portret i madhe i Ismet Pejës, si dhe janë vënë lule, ndërsa janë lëshuar edhe këngët e pavdekshme të tij.
Djali i këngëtarit, Visar Peja, ka njoftuar se varrimi i legjendës do të bëhet ditën e sotme (e hënë, 23 nëntor) në orën 15:00 në varrezat e qytetit në Gjakovë.
Me këtë rast, homazhe para objektit të Ministrisë ka bërë edhe kryeministri Abdullah Hoti, i shoqëruar nga ministrja e Kulturës, Vlora Dumoshi.
Kreu i Qeverisë theksoi se Ismet Peja do të mbahet mend për këngët e tij, me të cilat janë rritur të gjithë shqiptarët, ndërsa këngëtari ka hyrë në historinë artistike të Kosovës.
Derisa ministrja Dumoshi e ka quajtur të trishtë lajmin për vdekjen e ikonës shqiptare të muzikës. /Telegrafi/
