Gonzalo Higuain ka thënë se këshillimi i Massimiliano Allegrit i ndihmoi skuadrës që t’i përmbyste gjërat në ndeshjen e Kupës së Italisë kundër Napolit.
Bianconerët u gjetën në disavantazh në pjesën e parë nga goli i Jose Callejon, mirëpo ia dolën që ta përmbysnin rezultatin për të fituar me rezultat 3-1.
“Ishte një ndeshje shumë e komplikuar ndaj një Napoli mbresëlënës. Në gjysmën e parë vuajtëm për ta mbajtur topin në këmbë”.
“Gjatë pauzës, trajneri na tha që të mos e humbnim durimin, sepse mund t’i ndryshonim gjërat, dhe pikërisht këtë e bëmë”.
“Kjo është fuqia e Juventusit – u treguam kokulur dhe nuk e humbëm durimin. Shkojmë në shtëpi me një fitore të rëndësishme, ndërsa do të shkojmë në Napoli me rezultat pozitiv”, ka deklaruar Higuain për Rai Sport.
Ndeshja kthyese zhvillohet në muajin prill në Stadio San Paolo. /Telegrafi/