Është hedhur tashmë edhe zyrtarisht shorti për grupet e Copa America 2024 dhe turneu i verës së ardhshme pritet të jetë i zjarrtë në Shtetet e Bashkuara të Amerikës.
Pas shortit të mëngjesit të sotëm (e premte) për fazën e grupeve, 16 ekipet pjesëmarrëse të verës së ardhshme (dy prej të cilëve ende nuk janë përcaktuar) mund të fillojnë përgatitjet e tyre për turneun e shumëpritur CONMEBOL që do të mbahet në verë.
Kampionët në fuqi, Argjentina janë shortuar në Grupin A, ku do të luajnë dy ‘armiqve’ të njohur si Peruja dhe Kili, ndërsa skuadra e fundit do të jetë fituesi i ‘play-off’-it midis Kanadasë dhe Trinidad dhe Tobago.
El actual DT campeón de la CONMEBOL Copa América™️, Lionel Scaloni con el trofeo más deseado del continente 🏆🌎
O atual treinador campeão da CONMEBOL Copa América™️, #LionelScaloni, com o troféu mais desejado do continente 🏆👏🏼
The current champion coach of CONMEBOL #CA2024,… pic.twitter.com/e9hTjmg98N
— CONMEBOL Copa América™️ (@CopaAmerica) December 8, 2023
Në grupin B, Meksika do të përballet me Ekuadorin, së bashku me Venezuelën dhe Xhamajkën.
Grupi C do të jetë interesant me Shtetet e Bashkuara të Amerikës, të cilat do të luajnë me Uruguain, Panamanë dhe Bolivinë.
Megjithatë, Grupi D është cilësuar si ‘grupi i vdekjes’, aty ku është shortuar Brazili, së bashku me Kolumbinë, Paraguain dhe fituesin e playoff-it të kësaj pranvere mes Kosta Rikës dhe Hondurasit.
Copa America do të zhvillohet në qershor dhe korrik të verës 2024, me aksionin që do të nisë më 20 qershor dhe do të përfundojë me finalen e madhe më 14 korrik.
Fitues aktual i Copa America është Kombëtarja e Argjentinës, e cila ka fituar edhe Kampionatin Botëror të fundit, të mbajtur në Katar. /Telegrafi/
¡El fixture de La CONMEBOL Copa América™️ 2024! 🗓️✍🏼
A tabela da CONMEBOL #CA2024! 🗓️🤩
The fixture of the CONMEBOL #CA2024! 🗓️⚽ #VibraElContinente #VibraOContinente #RockingTheContinent pic.twitter.com/HZteb7cV8i
— CONMEBOL Copa América™️ (@CopaAmerica) December 8, 2023