Ylli nga Koreja e Jugut, Heung-min Son ishte i kënaqur që shkroi histori me Tottenham Hotspur gjatë ndeshjes ndaj Leeds United të shtunën pasdite.
Son dhe Harry Kane bënë histori duke u bërë dyshja më produktive në historinë e Ligës Premier gjatë fitores së thellë 4-0 të Tottenham ndaj Leeds.
Goli i vonshëm i Son ishte hera e 37-të që ai dhe Kane bashkëveprojnë për të shënuar për Spurs dhe kjo është shifra me më së shumti kombinime nga ndonjë dyshe në të historinë e Ligës Premier.
“Është një nder i madh. Rekordi është i rëndësishëm, por tre pikët janë gjithashtu sepse rezultati në mesjavë nuk ishte më i miri. Ne e marrim rekordin, por gjëja më e rëndësishme janë tre pikë”, ka thënë fillimisht Son për BT Sport.
“Është gjithmonë një vend i vështirë për të ardhur këtu dhe ne kishim nevojë të tregonim karakter dhe përgjegjësi”.
“Çdo lojtar ishte fantastik sot. Ne nuk mund të jemi të lumtur vetëm me sot, ka më shumë ndeshje për të ardhur”, përfundoi ylli i Spurs.
Edhe Kane ishte plot lëvdata për partnerin e tij të sulmit kur ai u pyet gjithashtu për rekordin pas ndeshjes.
“Ne kemi luajtur me njëri-tjetrin për një kohë të gjatë dhe e kuptojmë mirë lojën e njëri-tjetrit. Sonny e di se ku të vrapojë dhe ne kënaqemi duke luajtur së bashku”, ka thënë Kane. /Telegrafi/