Sulmuesi i Chelseat, Eden Hazard nuk e ka përjashtuar mundësinë e transfderimin te Real Madridi, pasi ka deklaruar se në futboll, kurrë nuk i dihet.
Ylli belg është i lidhur me një lëvizje tek kampionët spanjollë dhe evropianë, ndërsa raportet në Spanjë tregojnë se ai mund të zëvendësojë Iscon në skuadrën e Madridit.
Një gjë të tillë nuk e ka mohuar as Hazard, i cili ka thënë se në futboll kurrë nuk i dihet se çfarë ndodh, teksa e ka cilësuar trajnerin Zidane si hero.
“Në futboll, ti kurrë nuk e di se çfarë ndodh”, ka thënë fillimisht Hazard një intervistë për gazetën Marca, kur u pyet për lidhjet me Madridin.
“Megjithatë, tani jam i lumtur në Chelsea dhe gjithë fokusi im është me ta”.
“Zidane është i pabesueshëm, dhjetë vjet më parë më kujtohet kur më foli për herë të parë dhe ishte mahnitëse, ai ishte heroi im kur isha fëmijë”.
“Unë kam shikuar mijëra video dhe ndeshje të tij duke luajtur futboll dhe tani ai është duke udhëhequr një nga klubet më të mëdha në botë”.
“Tani është mirë të dëgjosh njerëzit të flasin për ty, por gjithçka që unë mund të mendoj janë shfaqjet e mia në fushë”, përfundoi ylli belg. /Telegrafi/