Ylli i Chelseat, Eden Hazard ka zbuluar se ka një ofertë nga rivalët e Manchester Unitedit dhe më këtë e ka njoftuar Real Madridit, duke i bërë presion.
Eden Hazard është njëri nga lojtarët që është në agjendën e Florentino Perezit për të forcuar skuadrën e Real Madridit për sezonin e ardhshëm. Belgu pëlqehet shumë edhe në Santiago Bernabeu.
Por, ylli belg si duket ka filluar të humbasë durimin me qasjen e Realit ndaj tij dhe mungesës së ofertës në drejtim të tij.
Edhe pse e di interesimin e Madridit, është i vetëdijshëm se ka shumë lojtarë të tjerë në listën e klubit Los Blancos. Ai nuk dëshiron të jetë në pritje fare.
Kjo është arsyeja pse Hazard ka zbuluar një ofertë që mund tu jep sulm në zemër drejtuesve të klubit Mbretëror.
Sipas mediumit spanjoll Don Balon, Hazard ka zbuluar se ka në tavolinë një ofertë joshëse nga rivalët e Manchester Unitedit.
Ajo që belgu ka ndërmend me këtë zbulim është të vendosë frikë në trupin e Prezit, kështu që ai të bëjë sa më shpejt ofertë për nënshkrimin e tij njëherë e përgjithmonë dhe të harrojë pjesën tjetër të opsioneve.
E vërteta është se Hazard është i gatshëm të veshë fanellën e Real Madridit dhe ky është një presion për të bërë sa më shpejt ofertë në drejtim të tij. /Telegrafi/