Deputetja e Lëvizjes Vetëvendosje, Albulena Haxhiu, ka komentuar deklaratat e anëtarit të Kryesisë së LDK-së, Gazmend Muhaxheri, i cili përmendi afatin se deri kur do ta presin partinë e Kurtit për të bërë koalicion.
Muhaxheri ka thënë se VV ka afat deri të dielën që të pranojë ofertën e LDK-së, përndryshe nuk do të ketë koalicion përfundimisht mes këtyre dy subjekteve.
“Deklaratat e tilla nuk ndihmojnë për arritjen e marrëveshjes”, ka thënë Haxhiu në Televizionin T7.
Tutje Haxhiu ka thënë se VV ka lëshuar pe shumë gjatë negociatave me LDK-në, dhe arritjen e një programi të përbashkët.
Po ashtu Haxhiu ka thënë se negociatat mes dy subjekteve kanë vënë standart të ri në politikën vendore.