Aktori Harrison Ford ka mbetur i plagosur në një aksident ajror. Sipas ‘MailOnline’, aeroplani i vogël një vendesh, me të cilin ai po udhëtonte, u rrëzua në një fushë golfi, siç duket edhe nga pamjet.
Raportohet se ngjarja ndodhi rreth mesnatës. Sipas raporteve dyshohet se motori i avionit ka pësuar një avari për shkaqe ende të pakonfirmuara.
Aktori hollivudian, 72 vjeç, është dërguar në spital. Mjekët thonë se gjendja e tij paraqitet shqetësuese. Dëshmitarët thanë se aktori ishte i gjakosur në fytyrë, kur u nxor nga aeroplani, transmeton Telegrafi.
Ford ishte nisur në fluturim me avionin personal, një model ushtarak të vitit 1942, nga aeroporti i Santa Monikës.
Ai është një pilot me eksperiencë, pasi piloton prej vitit 1960. /Telegrafi/
