Kryetari i Aleancës për Ardhmërinë e Kosovës, Ramush Haradinaj ka thënë do të jenë në opozitë, sepse kështu kanë vendosur qytetarët më 6 tetor.
Haradinaj në “Debat Plus”, të RTV Dukagjinit tha se nuk kanë interesim të bëhen pjesë e Qeverisë së re, përcjell Telegrafi.
“Nuk jemi të interesuar për oferta për bashkëqeverisje. Ne nuk duam me marrë pjesë në Qeveri. Për tema të interesit nacional ne do t’i përkrahim”, tha ai.
Gjithashtu, Haradinaj komentoi edhe formimin e Qeverisë së re, e që sipas tij nëse në krye të saj do të jetë Albin Kurti atëherë do të jetë e dështuar.
“Mendoj që Qeveria e udhëhequr nga Albin Kurti do të jetë Qeveri e dështuar. Ai do të mbërrijë t’i bëjë 12 ministri, nuk besoj se do të dështojë menjëherë. Do të arrijë t’i reduktojë disa shpenzime. Buxhetin e ka bazik, janë shtyllat e obligimeve që nuk ndryshojnë. Në dy drejtime ai mund të bëjë ndërhyrje ato janë në investime kapitale dhe mallra e shërbime”, tha ai.
Debat Plus me Ermal Pandurin – Ramush Haradinaj pas 6 tetorit – 21.10.2019
Ramush Haradinaj pas 6 tetoritRamush Haradinaj – Kryeministër në largimAstrit Gashi – Gazeta BlicFidan Rama – RTV DukagjiniImer Mushkolaj – Analist
Publiée par RTV Dukagjini sur Lundi 21 octobre 2019
Haradinaj përmendi disa arsye që sipas tij Kurti dëshiron të jetë në Qeveri.
“Ai nuk vjen qeveri për me ndryshu standardin e qytetarit për të cilin unë kam bërë përpjekje të mëdha e jam angazhuar vazhdimisht. Ai vjen në qeveri për të sjellë disa pikëpamje qysh ai nuk është si të tjerët. Por, në substancë jeta e njerëzve nuk ndryshon prej tij, që është tepër teorik. Ai nuk di me punu. Ai dinë me fol e të bëjë teori të mençura”. /Telegrafi/