Kryetari i AAK-së Ramush Haradinaj e ka quajtur debakël politik për Lëvizjen Vetëvendosje rezultatin zgjedhjeve komunale të 17 tetorit.
Ai në Rubikon të Klan Kosovës u shpreh se për gjashtë muaj, Vetëvendosje me në krye Albin Kurti pësoi rënie nga 50% në 23%.
Duke komentuar deklarimet e sotme të kryeministrit Albin Kurti, Haradinaj u shpreh se një rënie e tillë paraqet debakël politik.
”Shiko, ai duhet të thotë diçka. Po mos qofsh në lëkurën e tij tash. Nga 50 për qind të bie në 23 për qind për gjashtë muaj, ky është debakël politik”, tha Haradinaj.
Ndryshe, Lëvizja Vetëvendosje në raundin e parë të zgjedhjeve komunale në Kosovë nuk ka fituar asnjë komunë, ndërsa ka humbur Mitrovicën.