Alen Halilovic nuk ishte prezent në skuadrën e Barcelonës në kthim nga pushimet para-sezonale.
Kjo për shkak se ai është afër kompletimit të transferimit të tij te Hamburgu.
Marca raporton se Halilovic ka munguar me lejen e klubit, për të kryer testet mjekësore te klubi gjerman.
Pesë milionë euro është shuma që Hamburgu do të paguajë për lojtarin, me Barcelonën që ka një klauzolë në kontratë që ja lejon ri-blerjen pas dy vitesh, shkruan Telegrafi.
Barca do të mund ta blejë lojtarin për 10 milionë euro pas një viti dhe për 12.5 milionë euro pas dy vitesh.
20 vjeçari raportohet se ka pasur edhe ofertë nga Valencia, por preferoi kalimin në Bundesliga. /Telegrafi/