Një hakmarrje e SHBA-së pas vrasjes së ushtarëve të saj në Jordani do të kishte ndikim në bisedimet për pengjet, ka paralajmëruar kryeministri i Katarit.
Mohammed bin Abdulrahman bin Jassim al Thani ka pohuar gjithashtu se ishte bërë përparim i mirë në bisedimet e fundjavës me shefat e spiunazhit të SHBA-së, Izraelit dhe Egjiptit rreth një rruge drejt një marrëveshjeje të re për lirimin e pengjeve Izrael-Hamas.
Ai tha se shpresonte t’i paraqiste Hamasit një kornizë të një marrëveshje të tillë “dhe t’i dërgonte ata në një vend ku ata angazhohen në mënyrë konstruktive”.
Ai shtoi se faza e bisedimeve mund të dërgojë në një armëpushim të përhershëm në të ardhmen.
Sky News kupton se një projekt-marrëveshje i është paraqitur sot Hamasit.
Ndryshe, Izraeli ka njoftuar sot se pret më shumë nga Katari në rolin si ndërmjetës midis tij dhe Hamasit. /Telegrafi/