Ferran Torres e ka filluar mbarë aventurën e tij te Manchester City. 20-vjeçari po kalon kohë të mira nën menaxhimin e Pep Guardiolës që duket se ka një plan të madh për të.
Në mungesë të Sergio Agueros deh Gabriel Jesusit, ish-anëtari i Valencias po luan si numër 9 fals, derisa këtë gjë trajneri katalunas e kishte bërë me Lionel Messin kur ishte te Barcelona.
Argjentinasi kishte luajtur për herë të parë si sulmues fals në fitoren 6-2 ndaj Real Madridit në Santiago Bernabeu në vitin 2019, derisa Samuel Eto’o e Thierry Henry luanin mbrapa tij.
Këtë gjë Guardiola e kishte bërë për të shkaktuar konfuzitet te Real Madridi, e që ia kishte arritur mjaftë mirë, me Messin më pas që luante i lirë nëpër fushë.
Pa një sulmues natyral, Guardiola duket se do të bëjë një gjë të tillë edhe me Ferran Torresin, që do të luajë si sulmues fals në ndeshjet e ardhshme të Cityt.
Lojtari e ka pranuar se ky pozicion nuk është ideal për të, mirëpo me ndihmën e Guardiolës po arrin që të gjejë hapësira edhe nga qendra. /Telegrafi/