Barcelona ka arritur ta bëjë transferimin më të bujshëm në afatin kalimtar të janarit.
Kataluansit nënshkruan me mesfushorin e talentuar holandez Frenkie De Jong i cili ishte dëshirë e shumë klubeve të mëdha evropiane.
Bayern Munich, Juventus, Paris Saint Germain e Manchester City e donin me çdo kusht reprezentuesin holandez.
E për dështimin e skuadrës së tij për të nënshkruar me De Jong ka folur edhe trajneri Pep Guardiola.
“Nuk jam i zhgënjyer me De Jongun që vendosi t’i bashkohet Barcelonës”, tha fillimisht trajneri spanjoll.
“E vërteta është se ne nuk jemi në nivel të Barcelonës dhe Real Madridit sa i përket prestigjit”.
“Futbollistët duhet të kenë lirinë e zgjedhjes, nëse nuk vijnë te ne do të thotë se preferojnë një klub tjetër dhe duhet respektuar dëshira e tyre”, u shpreh trajneri spanjoll.
De Jong iu bashkua Barcelonës për 75 milionë euro nga Ajaxi. /Telegrafi/