Manchester City u kualifikua në gjysmëfinale të EFL Cup pasi mposhti në penallti Leicester Cityn (1-1 kohë e rregullt, 1-3 në penallti).
Heroi i skuadrës së Pep Guardiolas ishte portieri i Përfaqësueses së Kosovës, Arijanet Muriqi, i cili përveç pritjeve gjatë ndeshjes, ai arriti të mbrojë edhe dy penallti.
Dhe normalisht për heroin e momentit trajneri spanjoll nuk kurseu fjalët e mira pas ndeshjes.
¡El momento @Sure de Aro Muric! #lcfcvcity pic.twitter.com/DwLrQYJGO4
— Manchester City (@ManCityES) December 18, 2018
“Aro është aq i madh”, e filloi Guardiola duke qeshur komentimin e paraqitjes fantastike të gjigantit 198 centimetra nga Kosova.
“Ai është i shpejtë me reagime dhe ka shumë fuqi në këmbët e tij. Mori vendimin e duhur edhe te penalltia e Harry Maguires që nuk arriti ta mbrojë”.
“Kjo është shumë e mirë për atë. Ai është stërvitur shumë, është shumë i turpshëm (i ndruajtur). Është moment i mirë”.
“Ai meriton duartrokitje të mëdha sepse bëri mirë gjatë ndeshjes, ishte i shkëlqyer”, shtoi Guardiola.
20-vjeçari është pjesë e Përfaqësueses së Kosovës, ai debutoi nga minuta e parë në fitoren 4-0 ndaj Azerbajxhanit në Ligën e Kombeve. /Telegrafi/
