Dani Olmo është njëri nga sulmuesit e ri më të mirë në Evropë.
Anësori spanjoll vite më parë ishte larguar nga Barcelona për të bërë karrierë në Kroaci me Dinamo Zagrebin.
Pas shkëlqimit me kroatët, Olmo iu bashkua Leipzigut ku po shkëlqen edhe me fanellën e futbollit gjerman.
Barcelona është skuadra favorite për të nënshkruar me ish-talentin e La Masias, por në garë mbetën edhe skuadra tjera të mëdha.
Gjithsesi, Manchester City duket se nuk është i interesuar për lojtarin dhe këtë tanimë e ka konfirmuar edhe trajneri Pep Guardiola.
Tekniku spanjoll e ka lavdëruar Olmon, por ka theksuar se City nuk është i interesuar për ta transferuar atë në Etihad Stadium.
“Ne nuk jemi të interesuar. E them këtë, por duhet theksuar se ai është një lojtar i jashtëzakonshëm. Unë e admiroj faktin që ai pati guximin të largohej nga Barcelona për të shkuar në Kroaci dhe për të treguar talentin e tij”, deklaroi Guardiola
Leipzig dhe City takohen nesër mbrëma në kuadër të Ligës së Kampionëve. /Telegrafi/