Ministria e Punëve të Brendshme me urdhër nga Gjykata Penale caktoi fletë arrest për ish-kryeministrin Nikolla Gruevski i cili të premten duhej të paraqitje për vuajtjen e dënimit për rastin “Tanku”, të PSP-së, apo për blerjen e “mercedesit” luksoz.
“Ju informojmë se Gjykata Themelore Shkupi 1 dha urdhër për arrestimin e personit për të cilët ju pyetni dhe më 12.11.2018 në ora 16:30 deri te SPB Shkup kërkoi lëshimin e fletë arrestit. Ministria e Punëve të Brendshme menjëherë pasi dorëzimit, vepron sipas urdhrit”, thonë nga MPB-ja , përcjell Telegrafi Maqedoni.
MPB-ja vendosi fotografinë e ish-kryeministrit Nikolla Gruevski në web-faqen e tyre, ku përfshihet të gjithë personat me fletëarrest.
Gjatë të premtes, shërbimet e gjykatës në disa përpjekje nuk arritën të gjejnë Gruevskin në adresën e banimit.
Ish-kryeministri dhe ish-kryetari i OBRM-PDUKM-së është i dënuar me dy vite burg për rastin “Tanku” të Prokurorisë Speciale Publike për furnizimin e “mercedesit” luksoz./Telegrafi/
