Një video e një gruaje ukrainase që përleshet me autoritetet pro-ruse kur ata u përpoqën të detyronin burrin e saj të bashkohej me forcat e tyre është shfaqur në rrjetet sociale.
Gjegjësisht, ushtarët separatistë po rekrutojnë gjithnjë e më shumë me forcë burra në zonat e pushtuara të Donbasit.
Në një video të realizuar në fund të muajit qershor, shihet një grua duke u përpjekur të pengojë oficerët që ta çojnë burrin e saj në një zyrë rekrutimi në Donetsk, shkruan theguardian.
“Jepni dokumentet e tij, nuk është shpallur mobilizim i përgjithshëm, nuk do ta fikim celularin. Bëhet fjalë për mobilizim të detyruar, po regjistroj gjithçka, tani është 28 qershor, Makiivka, kanë marrë dokumentet e burrit dhe duan të marrin ai larg”, dëgjohet duke pohuar gruaja ukrainase.
“Duanë ta marrin me dhunë dhe pretendojnë se është shpallur mobilizim i përgjithshëm, kthejini dokumentet! Ai nuk dëshiron të shkojë me ju në zyrën e rekrutimit. Nuk dëshiron të shkojë të luftojë. Askush nuk do. luftoni. Na ka lodhur ju dhe lufta juaj”, tha ajo.
Ndryshe, Rusia ka vazhduar edhe sot me aksione sulmuese në shtetin ukrainas duke shkaktuar dëme materiale dhe viktima. /Telegrafi/
