Pasi nuk arriti ta marr verën e kaluar, Barcelona do të kthehet në sulm për Antoine Griezmannin në këtë afat kalimtar që po vije.
Francezi kishte njoftuar për vendimin e tij për të qëndruar në Atletico Madrid, në një program televiziv, pas një telenovele të gjatë, ku thuajse transferimi ishte mbyllur.
Që nga ajo kohë, Barcelona e mbylli interesimin e tyre për Griezmannin, por eliminimi nga Liga e Kampionëve, me një rezultat poshtërues ndaj Liverpoolit ka bërë që bordi i klubit të ndryshojë mendim.
Së fundmi janë rritur edhe paraqitjet zhgënjyese të Philippe Coutinhos dhe Ousmane Dembeles. Këto kanë bërë që klubi të mendojë.
Atletico mund ta pranojë largimin e tij
Ndryshe nga viti i kaluar, Atletico Madrid nuk do të bëjë gjithçka për të parandaluar Griezmannin që të bashkohet me Barcelonën, nëse marrin një telefonatë nga Blaugranat.
Klauzola e lirimit do të ulet nga 200 milionë euro në 120 milionë euro me 1 korrik.
Los Rojiblancos mund të mendojnë që të lirohen edhe nga paga e francezit që është 21 milionë euro, shkruan Marca.
Ky transferim do ta favorizonte Barcelonën për garat evropiane, pasi që ata tashmë kanë investuar 75 milionë euro në Frenkie De Jongub dhe shpresojnë të shpenzojnë edhe rreth 70 milionë euro në Matthijs De Ligt.
Lojtari
Pas një sezon zhgënjyes të Atletico Madridit, të cilët u larguan nga Liga e Kampionëve nga Juventusi, Griezmann mund ta ndërrojë mendjen për Barcelonën.
Sipas Le Parisien, lojtari gjithashtu është i gatshëm ta shkurtojë pagën për ta lënë Atleticon që të kalojë në Camp Nou.
Megjithatë, tifozët e Barcelonës nuk e kanë harruar mënyrën se si ai e a refuzuar në të shkuarën klubin e tyre.
Ai mori fishkëllima në udhëtimin e tij të fundit në Camp Nou si rezultat i refuzimit. /Telegrafi/