Antoine Griezmann ka konfirmuar se do të largohet nga Atletico Madridi përmes një videoje të publikuar në faqen zyrtare të klubit në Twitter.
Edhe pse e kishte rinovuar kontratën e re pesëvjeçare në verën e kaluar, francezi ka vendosur të ndërrojë ambient.
Barcelona është përmendur si destinacioni i radhës për kampionin e botës, ndërkohë që pritet të vijë konfirmimi në vijim për të ardhmen e tij.
.@AntoGriezmann: "Han sido cinco años increíbles; muchas gracias por todo, os llevo en el corazón". pic.twitter.com/9XorY05u1T
— Atlético de Madrid (@Atleti) May 14, 2019
“Kanë qenë pesë vite të mrekullueshme këtu. Faleminderit për gjithçka nga thellësia e zemrës”, thotë mes tjerash lojtari në video.
Griezmann iu bashkua Atletico Madridit në vitin 2014 nga Real Sociedadi, ndërsa gjatë këtyre viteve ka arritur ta fitojë Ligën e Evropës, Superkupën e UEFA-s dhe Superkupën e Spanjës. /Telegrafi/