Antoine Griezmann nuk e ka ndërmend që të kthehet te skuadra e Atletico Madridit.
Këta të fundit kanë urdhëruar lojtarin që të paraqitet gjatë ditës së nesërme, më saktësisht në ora 20:30 në zyret e klubit madrilen.
Edhe pse lojtari ka bërë të ditur se do të largohet prej klubit, Atletico ka urdhëruar që francezi të kthehet në kampion stërvitor pasi që u zbulua se kishte arritur një marrëveshje me Barcelonën në muajin shkurt, kohë kur madrilenët ishin shumë afër me pikë me katalunasit dhe ishin në garë në Ligën e Kampionëve.
Por, zyrtari ligjor i sulmuesit po raportohet se i ka dërguar një e-mail klubit dhe u ka bërë të ditur se klienti i tij nuk do të kthehet në skuadër.
Madje, Madridi do të ankohet edhe në instanca më të larta evropiane dhe botërore rreth kësaj çështje dhe se pritet të paditen blaugranat.
Ndryshe, Griezmann tashmë gjendet me pushime verore pas angazhimeve të mëdha në sezonin e kaluar. /Telegrafi/