Antoine Griezmann i ka thënë hapur Atletico Madridit se dëshiron të largohet këtë verë.
Është Antonio Ruiz që punon në klubin e Atletico Madridit ai që e ka marr lajmin nga francezi dhe i ka treguar Diego Simeones për zhvillimet e fundit.
Ka kohë që e lidhin lojtarin me një kalim te Manchester United, pasi lojtari pëlqehet shumë nga Jose Mourinho dhe këtë ia ka treguar edhe drejtorit Ed Woodward.
Mourinho, që tashmë është në pushim, i ka dërguar listën klubit, dhe mësohet se emri i francezit gjendet aty.
Griezmann është kërkesa e parë e portugezit për këtë afat kalimtar.
Mediat spanjolle kanë pritur që Griezmann do të luajë edhe një sezon në Atletico për ta inaguruar stadiumin e ri.
26 vjeçari ishte bashkuar me Atleticon në vitin 2014 nga Real Sociedad. /Telegrafi/