Antoine Griezmann ka paralajmëruar bashkëlojtarët që ata duhet të përmirësohen përpara El Clasicos së rëndësishme të javës së ardhshme ndaj Real Madridit.
Gjigantët katalunas barazoi 2-2 në Real Sociedad të shtunën, duke ia dorëzuar mundësinë e daljes lider, Real Madridit, përpara përballjes së tyre në Camp Nou më 18 dhjetor.
Griezmann shënoi kundër ish-skuadrës së tij, por ai deklaroi në një intervistë pas ndeshjes se skuadra duhet të bëjë më shumë përpara ndeshjes së Real Madridin.
“Ne duhet të mësojmë nga loja ndaj Sociedadit dhe të përmirësohemi kur takojmë Real Madridin”, ka thënë fillimisht Griezmann.
“Ne do të përgatitemi për atë lojë tani, dhe këtu duhet të jetë fokusi ynë”.
“Do të shohim se çfarë ndodh javën tjetër”, përfundoi ylli francez.
Vizita e Real Madridit do të jetë El Clasico e parë e Griezmannit si lojtar i Barcelonës, pas transferimit prej 120 milionë eurosh nga Atletico Madrid.
Francezi ka një rekord të fortë kundër Los Blancos, me pesë gola në dhjetë takime të La Ligës gjatë kohës së tij te Los Colchoneros. /Telegrafi/