Këngëtarja e njohur Greta Koçi, ashtu siç kishte paralajmëruar, ka publikuar sot (e enjte) projektin e saj më të ri muzikor me titull “Përsëri”.
Kënga e re është një baladë, e punuar bukur dhe thjeshtë nga Genc Prelvukaj, teksa vargjet e tekstit i ka shkruar motra e këngëtares, Eni Koçi.
Klipi këngës e sjell mjaft të veçantë Gretën, me skena vjeshtore dhe plot stil, ndërsa mahnit me pamjen dhe bukurinë e saj.
Për anën vizuale të projektit është kujdesur produksioni Black Fish Entertainment.
Përmes rrjeteve sociale, këngëtarja Koçi u ka treguar fansave të saj se kjo është një këngë shpirti, e kënduar me plot ndjenjë dhe që shpreson të pritet mirë nga fansat.
E njëjta këtë vit ka qenë mjaft aktive në tregun muzikor, ndërsa jo pak herë është bërë edhe temë e medieve rozë. /Telegrafi/
