Në shtëpinë më të famshme në Shqipëro, po vazhdojnë të krijohen situata të ndryshme, të cilat po zgjojnë vëmendjen e publikut.
Gjatë ditës së mërkurë, kryeqendra e debateve ka qenë ish-futbollisti Granit Cana, i cili ka debatuar me disa banorë në lidhje me lojën e tij.
Ai është ndjerë keq kur disa herë të tjerët ia kanë përmendur faktin se ai bën lojë përmes femrave të tjera në shtëpi, duke theksuar se ka përdorur Fifin për të ecur përpara.
I mërzitur nga ato që janë thënë, Graniti ka filluar të bëjë gati valixhen, me dëshirën për të dalë nga shtëpia e Big Brother VIP.
Ndërkohë, banorja tjetër e shtëpisë, kantautorja Fifi me të cilën ish-futbollisti ka pasur një raport mjaft të afërt në shtëpi, ka nisur të qajë me të kuptuar që Graniti donte të largohej nga shtëpia.
Në videot e publikuara nga BBV në Instagram, Fifi mund të shihet teksa ngushëllohet te banorët e tjerë të shtëpisë, ndërsa në një moment fillon të qajë edhe këngëtari Sabiani.
Ky i fundit u votua të martën për të dalë nga shtëpia, por që pati fatin të ketë “biletën kthyese” në topin e fatit, me çka iu rikthye edhe një herë garës në Big Brother VIP. /Telegrafi/