Trajneri i Arsenalit, Unai Emery nuk e ka ftuar mesfushorin shqiptar, Granit Xhaka për ndeshjen ndaj Guimaresit në Ligën e Evropës.
Arsenali do të luaj sot (e mërkurë) në udhëtim te klubi portugez në ndeshjen e vlefshme për grupin F.
Ky takim zhvillohet nga ora 16:50 dhe klubi londinez pret fitoren e radhës për t’iu ofruar edhe më shumë kualifikimit në fazën tjetër.
Trajneri i Topçinjve, Emery ka përpiluar listën prej 18-të futbollistëve të ftuar për këtë ndeshje.
Në listë vërehet mungesa e shqiptarit, Xhaka, i cili tash e disa ndeshje mbetet jashtë ekipit shkaku i një eksesi me tifozë gjatë zëvendësimit ndaj Crystal Palace.
Gjatë ditës së martë u raportua gjithashtu se reprezentuesin zviceran i është hequr edhe shiriti i kapitenit, ndërsa i është dorëzuar Pierre-Emerick Aubameyangut. /Telegrafi/
📋 Our travelling squad for tomorrow's game against Vitoria is now confirmed
🏆 #UEL
— Arsenal (@Arsenal) November 5, 2019