Granatime në qytetin ukrainas Kharkiv – publikohen pamjet ku shihen predhat ruse nëpër rrugë

Një video që po qarkullon në rrjete sociale shfaq raketat ruse që kanë goditur qendrat e qyteteve ukrainase, pavarësisht deklarimeve të ushtrisë ruse se kanë për objektiv vetëm infrastrukturën ushtarake.

Pamjet janë realizuar në qytetin e Kharkivit, ku shihet bishti i një predhe të shkrepur nga sistemi raketor Smerch, transmeton Telegrafi.

E duket se ajo nuk kishte shpërthyer plotësisht dhe një copëz e saj kishte mbetur në trotuar – shumë afër një kishe, shkruan The Guardian.

Lexo po ashtu Banorët ikin nga Kievi - Ukraina bën thirrje për 'sanksione shkatërruese' ndaj Rusisë

CIT – një grup hulumtues, ka konfirmuar se videoja është realizuar në Kharkiv, dhe shihen pasojat nga shkrepja e një rakete nga sistemi raketor Smerch.

Mediat ukrainase raportojnë se raketa të tilla po përdoren mbi popullatën në qendër të qytetit – të paktën të njëjtën gjë e thonë edhe nga CIT. /Telegrafi/