Google njoftoi sot se ka ndaluar funksionin e gjenerimit të imazheve përmes Inteligjencës Artificiale (AI) “Gemini” pasi tha se ofron “pasaktësi” në fotot historike.
Përdoruesit në mediat sociale ishin ankuar se mjeti i AI gjeneron imazhe të figurave historike – si Etërit Themelues të SHBA-së – si njerëz me ngjyrë, duke e quajtur këtë të pasaktë.
Google ka deklaruar përmes platformës X se funksioni i AI mund të “gjenerojë një gamë të gjerë njerëzish. Dhe kjo është përgjithësisht një gjë e mirë sepse njerëzit në mbarë botën e përdorin atë”.
We're already working to address recent issues with Gemini's image generation feature. While we do this, we're going to pause the image generation of people and will re-release an improved version soon. https://t.co/SLxYPGoqOZ
— Google Communications (@Google_Comms) February 22, 2024
Por, ai tha se funksionit të softuerit “po i mungon diçka”, duke shtuar se gjigandi i teknologjisë “po punon për të përmirësuar menjëherë këto lloj përshkrimesh”.
Google postoi një deklaratë të përditësuar të enjten, duke thënë se do të ndalojë funksionimin e Geminit për të gjeneruar imazhe të njerëzve dhe do të ri-lëshojë së shpejti një version “të përmirësuar”.
Mjeti gjenerues i imazhit u prezantua në fillim të muajit shkurt, i cili më parë quhej Bard. Ajo po përballet me sfida në një kohë kur Google po përpiqet të arrijë hapin me OpenAI të mbështetur nga Microsoft. Këtë muaj, ai gjithashtu riemërtoi Bardin, konkurrentin e ChatGPT në Gemini. /Telegrafi/
