Andre Gomes ka refuzuar mundësinë për t’iu bashkuar kampionit të Italisë, Juventus, këtë verë në favor të lëvizjes te Barcelona nga Valencia.
Mesfushori portugez u transferua në Camp Nou në një transferim që kap vlerën e 35 milionë eurove, por që mund të rritet në 55 milionë me shtesat, por drejtori sportiv i Valencias, Jesus Garcia Pitarch ka zbuluar se ata kishin qenë thellë në negociata me Juventusin para lëvizjes së tij në Kataluni.
“Zaza është një lojtar që këtë verë u përpoqëm për të nënshkruar, por nuk mund ta bëmë atë, sepse ardhja e tij varej nga shkuarja e Andre te Juventusi”, ka thënë Pitarch për Plaza Deportiva, përcjell Telegrafi.
“Andre kërkoi për të shkuar në Barcelonë dhe nuk i dha fund tre shanseve të negociatave me Juventusin, të cilat ishin Lemina, Hernanes dhe Zaza”.
23-vjeçari portugez ka luajtur 17 ndeshje për katalanasit, por ende nuk ka gjetur rrugën e rrjetës. /Telegrafi/