Gabriel Barbosa i njohur si Gabigol u transferua me shumë bujë nga Santosi te Interi në vitin 2016.
Skuadra italiane pagoi rreth 30 milionë euro për talentin brazilian, por që nuk i arriti asnjëherë pritshmëritë.
Tinejxheri brazilian nuk u ambientua dot me Serie A dhe u huazua edhe në Portugali te Benfica por pa sukses.
Gabigol u huazua në janar tek klubi i tij i fëmijërisë Santos dhe ka shkëlqyer.
Këtë edicion braziliani ka realizuar 16 gola duke mbajtur vendin e parë në listën e golashënuesve në Brazil.
22-vjeçari do të qëndrojë edhe dy muaj në Santos për tu larguar pasi i mbaron huazimi.
Interi nuk do ta mbajë lojtarin, por për të tanimë kanë ardhur disa oferta nga elita e futbollit anglez.
Katër skuadra angleze kanë shprehur dëshirë për transferimin e Gabigolit në Ligën Premier.
West Ham United, Everton, Crystal Palace dhe Wolverhampton janë ekipet që e duan lojtarin.
Në anën tjetër edhe Atletico Madrid e dëshiron në La Liga dhe Olympique Marseille në Ligue 1.
Interi është gati ta lë të lirë lojtarin nëse vije një ofertë prej 25 milionë eurove. /Telegrafi/