Goditet me raketë depoja e naftës afër kryeqytetit të Ukrainës, Kiev

Ka pasur raportime të shumta në orët e fundit se një depo nafte në Vasylkiv, një qytet në rajonin e Kievit, është goditur nga një raketë ruse.

Sipas BBC, përcjell Telegrafi, mediat lokale raportuan se si kryebashkiakja e qytetit Nataliia Balasynovych, ashtu edhe këshilltari i qeverisë Anton Geraschenko, kanë konfirmuar sulmin.

Pamjet në mediat sociale tregojnë flakë të mëdha që shpërthejnë nga terminali.

Dhe BBC, ndonëse ka publikuar pamjet, shkruan se nuk i ka verifikuar ato. /Telegrafi/