Site icon Telegrafi

Goditet me dronë rafineria e naftës në Rusi, shpërthen një zjarr i madh

Burim Tmava

Një seri e shpërthimeve kanë ndodhur në rafinerinë e naftës Novoshakhtinsk në rajonin rus Rostov, duke shkaktuar një zjarr të madh që akoma nuk është shuar nga frika se mund të ndodhë ndonjë shpërthim tjetër.

Mediat ruse raportojnë se rafineria ruse e naftës është goditur nga dronët kamikaz, transmeton Telegrafi.

Videot e postuara në Telegram, shfaqin zjarrin e madh në këtë rafineri nafte. E madje edhe autoritetet lokale kanë konfirmuar sulmin me dronë.

Sipas autoriteteve lokale, zjarri është shpërndarë në një hapësirë prej më shumë se 50 metra katrorë. Kurse rreth 120 zjarrfikës kanë arritur në vendin e ngjarjes.

Megjithatë ata nuk kanë ndërhyrë për të shuar zjarrin nga frika se mund të goditet sërish me dronë. /Telegrafi/

Exit mobile version