Gjermania ndan 381 milionë euro shtesë për të ndihmuar Ukrainën

Gjermania do të ndajë 381 milionë euro shtesë për ta ndihmuar popullin ukrainas.

Kështu ka bërë të ditur ministrja e Jashtme gjermane, Annalena Baerbock, e cila ka pohuar se kjo shumë do të jepet për këtë vit.

Paratë janë të destinuara për blerjen e tendave, gjeneratorëve të energjisë elektrike dhe të produkteve ushqimore.

Lexo po ashtu Refugjatët ukrainas ndihmuan në rritjen e numrit të popullsisë - vitin e kaluar - në Gjermani

Kryediplomatja shpjegoi se kjo shumë nuk është e mjaftueshme në afat të gjatë për të rindërtuar Ukrainën në një mënyrë të qëndrueshme.

“Ne po ndihmojmë Ukrainën të investojë në burime të rinovueshme dhe më efikase të energjisë”, tha ministrja gjermane.

Ndryshe, Gjermania është një ndër shtetet që më së shumti e ka ndihmuar Ukrainën gjatë kohës sa po vazhdon pushtimi rus, i cili ka nisur më 24 shkurt të vitit të kaluar. /Telegrafi/