Në një thirrje të përbashkët, dy shtetet kryesore të BE-së, Gjermania dhe Franca kanë kërkuar formimin e shpejtë të Qeverisë së re, si dhe zgjedhjen e presidentit.
Kështu ka bërë të ditur, ambasadori gjerman, Jorn Rohde përmes një postimi në Twitter.
“Gjermania dhe Franca uron qytetarët e Kosovës, kryetarin e Lëvizjes Vetëvendosje, Albin Kurti dhe Vjosa Osmanin për rezultatin e zgjedhjeve. Ne bëjmë thirrje për një formim të shpejtë të qeverisë dhe zgjedhjen e Presidentit, sapo të certifikohen rezultatet”, ka shkruar ambasadori Rohde.
🇩🇪 Germany and 🇫🇷 France congratulate the citizens of 🇽🇰#Kosovo, @albinkurti @LVetevendosje and @VjosaOsmaniMP on the election results. We call for a swift formation of the government and election of the President, once the results are finalised. @FranceauKosovo
— Ambassador Jörn Rohde (@GermanAmbKOS) February 22, 2021
Ai më tej ka theksuar se Gjermania dhe Franca, do të mbështesin vazhdimin e dialogut mes Kosovës dhe Serbisë.
“Gjermania dhe Franca janë të gatshëm të mbështesin vazhdimin e dialogut të lehtësuar nga BE-ja, në mes Kosovës dhe Serbisë drejt integrimit evropian të të dyja vendeve”, u shpreh Rohde.
Rohde shtoi se do të mbështesin një agjendë ambicioze të reformave duke përfshirë forcimin e sundimit të ligjit dhe luftën kundër krimit të organizuar dhe korrupsionit.
“Së bashku me Bashkimin Evropian në Kosovë ne do të vazhdojmë të mbështesim Kosovën në menaxhimin e pandemisë COVID-19”, shkruar Rohde në Twitter. /Telegrafi/
