Një person është gjetur pa shenja jete këtë të mërkurë në Liqenin e Badocit.
Lajmin e ka konfirmuar për Telegrafin zëdhënësja e Policisë së Kosovës për rajonin e Prishtinës, Florie Ahmeti.
Ajo ka bërë të ditur se vdekjen e viktimës e ka konstatuar ekipi mjekësor në vendin e ngjarjes.
“Sot rreth orës 11:30, nga ekipi i kërkimit i përbërë nga njësite policore dhe të FSK-së, në liqenin e Badocit është gjetur një trup i pajetë. Ekipi mjekësor në vendngjarje ka konstatuar vdekjen e viktimës”, ka thënë Ahmeti.
Tutje, ajo ka deklaruar se bazuar në të dhënat fillestare dyshohet se bëhet fjalë për personin me inicialet G.G, i cili nga familjarët është raportuar i zhdukur më datën 17 prill 2023, në stacionin e Lipjanit. /Telegrafi/