Në Prishtinë një person është shoqëruar sot në polici, pasi të njëjtit i është gjetur një armë zjarri.
Zëdhënësja e Policisë së Kosovës për Rajonin e Prishtinës, Flora Ahmeti, ka bërë të ditur se “është shoqëruar një person në Stacionin Policor Veriu në Prishtinë. Të njëjtit i është gjetur një armë zjarri”.
“Personit të dyshuar i është sekuestruar arma e tipit ‘Zoraki’ si dhe fishekë. Ndaj tij me rekomandim të prokurorit, është hapë rast për armëmbajtje pa leje”, tha zëdhënësja Ahmeti.
Burimet e Telegrafit bëjnë të ditur se i dyshuari K.G. (1995) është arrestuar në një lokal në lagjen Kodra e Trimave. /Telegrafi/