Një 25-vjeçar ra nga maja e një luhatëse të lartë mbi 8 metra që ndryshe njihet si “rrota e vdekjes” derisa po performonte në një cirk në Hungari, por që për fat të mirë i mbijetoi rrëzimit, pavarësisht se turma u shokuar dhe filluan të bërtasin.
Raul Alexander mbijetoi pasi “fluturoi” për disa metra dhe u përplas në tokë, gjatë performancës së tij në Hodmozovasarhely në juglindje të Hungarisë, transmeton Telegrafi.
Pavarësisht incidentit dhe traumës, ai këmbëngulë se synon të vazhdojë me performanca të tilla pas rikuperimit të tij të plotë.
Pamjet amatore të filmuara nga audienca, shfaq “akrobacionin” e dy burrave që po lëviznin nëpër një luhatëse, kur Alexander u rrëzua dhe turma filloi të bërtet.
Pa ndonjë pajisje mbrojtëse, ai u përplas në tokë dhe nuk mund të lëvizte derisa i dolën në ndihmë personeli i cirkut. /Telegrafi/
