Pesë palestinezë, duke përfshirë disa persona të armatosur, janë vrarë në një sulm të madh izraelit kundër një grupi militant në Bregun Perëndimor të pushtuar.
Sipas BBC, përcjell Telegrafi, një palestinez i gjashtë u qëllua për vdekje nga trupat izraelite të cilët u sulmuan me gurë në një protestë kundër bastisjes, thonë burimet mjekësore palestineze.
Operacioni në qytetin verior të Nablusit kishte në shënjestër grupin e Lion’s Den të formuar së fundmi.
Sipas mediumit në fjalë, bëhet fjalë për grupin që vrau një ushtar izraelit në fillim të këtij muaji.
Forcat e Mbrojtjes së Izraelit (IDF) kishin mbyllur Nablusin për dy javët e fundit mes një kërkimi intensiv për vrasësin e rreshterit 21-vjeçar Ido Baruch, i vrarë në një pritë pranë një vendbanimi izraelit aty pranë.
Ka pasur një intensifikimin e dhunës midis Izraelit dhe palestinezëve në Bregun Perëndimor në javët e fundit mes një operacioni të vazhdueshëm izraelit “për të çrrënjosur militantët” pas një vale sulmesh vdekjeprurëse kundër izraelitëve në fillim të këtij viti. /Telegrafi/