Gjashtë arsyet që nxitën dyshime se Joshua mund të humbte ndaj Ruizit

Anthony Joshua kishte pritur që debutimi i tij në SHBA do të ishte me fitore, por ndodhi e kundërta, pasi humbi ndaj Andy Ruiz Jr. në Madison Square Garden.

Boksieri anglez që ishte deri më tani i pamposhtur, pasi kishte në total 22 fitore, ku 21 prej tyre përfunduar me nokaut, ka humbur titujt e botës. Kampioni i unifikuar vuri titujt e tij IBF, WBA dhe WBO, në sfidën përballë meksikano-amerikanit, i cili u përfshi në këtë duel si zëvendësues, pasi Jarrell Miller doli pozitiv në testet anti-doping dhe u suspendua.

Lexo po ashtu Deklarata e Ruiz pas triumfit: Rrëzimi më bëri më të fortë, pasi duhej t'ia ktheja

Por, janë gjashtë arsye se përse dyshohej që Anthony Joshua mund të humbte ndaj Andy Ruizit:

Sjellja e tij në këndin e ringut

Pas raundit të dytë, Joshua e kishte pyetur trajnerin e tij, Rob McCracken, se “përse ndihem kështu?”. Në rrjetet sociale po ashtu është mësuar se boksieri anglez e kishte pyetur edhe një herë trajnerin e tij në raundin e pestë “Çfarë do të bëjë ai në raundin tjetër?”, ndërsa ai ia kishte kthyer se Ruiz do të tentojë t’i afrohet më shumë. Më pas Joshua ndaloi me pyetjet shqetësuese.

Taktikat e trajnerit McCracken

Trajneri i Anthony Joshua nuk ia kishte idenë se çfarë po ndodhte në raundin e katërt. Në raundin e pestë ata e filluan të ndryshonin strategjinë, por Ruiz kishte filluar ta merrte meçin në dorën e tij. McCracken i kishte thënë Joshuas që ta mbante atë sa më larg dhe t’i përdorte goditje një-dy, por ishte e kotë, pasi kundërshtari i tij po futej edhe më shumë në thellësi.

Lexo po ashtu Joshua: Më mposhti një boksier i mirë

Ecja deri në ring

Shtyrja e kohës për në ring, nuk është asgjë e re në boks. Joshua e praktikon shumë shpesh këtë gjë, mirëpo kjo nuk i ndikoi Andy Ruizit. Meksikano-amerikani ishte në pritje të boksierit anglez që të futej në ring për disa minuta, por në fund doli i nokautuar.

Shenjat në fytyrën e Joshuas

Joshua nuk e kishte mbrojtur fytyrën e tij në përgatitjet për meçin, ndërsa kishte thënë se shenjat në fytyrë i kishte për shkak të gjendjes fiziologjike dhe sesionit të stërvitjeve. Por, analistët kanë bërë të ditur se ai nuk ishte stërvitur në ambient të hapur, duke qëndruar jashtë mase në ambiente të mbyllura.

Reagimi acarues nga babai i Joshuas

Babai i Anthony Joshuas e kishte kritikuar Eddie Hearnin, promoterin e boksierit, se do të duhej t’i gjente një kundërshtar tjetër dhe jo Ruizin, në mënyrë që të planifikonte përballjen tjetër me Deontay Wilderin, që është ende e pakonfirmuar.

Lexo po ashtu Këtë askush nuk e kishte pritur! Ruiz e rrëzon katër herë Joshuan dhe ia rrëmben titujt

Mallkimi i Drake

‘Mallkimi’ i reperit amerikan ka dy vite që është prezent. Që nga lojtarët e futbollit, ata të basketbollit e deri te Joshua, mallkimi i Drake ka arritur të tregojë ‘sukses’. Joshua kishte bërë me dije se ai do t’i ndalojë takimet me Drake për shkak të ‘mallkimit, por mbrëmë në raundin e shtatë ai u rrëzua dy herë (dy herë të tjera ishte rrëzuar në raundin e tretë, duke ‘vërtetuar’ se mallkimi kishte efekt. /Telegrafi/