Çifti i famshëm, Georgina Rodriguez dhe Cristiano Ronaldo, janë duke i shijuar pushimet familjare dhe janë në fokus të vazhdueshëm të fotoreporterëve.
Derisa kanë vazhduar të marrin rreze në Ibiza duke u relaksuar në superjahtin e tyre, në faqet rozë kanë qarkulluar fotografi të shumta të tyre.
Në disa fotografi me bikini me ngjyrë të gjelbër, 28-vjeçarja dukej paksa më e plotë në krahasim me fotografitë që i shpërndan në Instagram, ashtu që u bë shënjestër e kritikave nga disa prej përdoruesve në rrjetet sociale.
Megjithatë, bukuroshja ka vazhduar të shfaqet me bikini, kësaj radhe me bikini të zeza duke vënë në plan të parë figurën trupore me një dukje tërësisht natyrale.
Ajo nuk ka ngurruar të tregojë strijat në bark që i kanë mbetur nga shtatzënia apo kilogramët e tepërt që i kishte shtuar derisa ishte në pritje.
Kujtojmë që Georgina në prill solli në jetë njërën nga foshnjat binjake që priste. Foshnja e gjinisë mashkull kishte vdekur në lindje, kurse vajza kishte ardhur në jetë shëndosh e mirë.
Rodriguez është po ashtu edhe nënë e një vajze tjetër me Ronaldon, Alana Martina, të cilën e ka lindur në nëntor të vitit 2017.
Ajo dhe superylli i futbollit i rritin bashkë edhe tre fëmijë tjerë të portugezit, të cilët kanë lindur me nëna surrogate. /Telegrafi/